«Реал» бош мураббийи Зайниддин Зидан жамоа ҳужумчиси Криштиану Роналду билан янги шартнома имзолаш жараёни борасида ўз фикрини билдириб ўтди. Аввалроқ тарқатилган хабарларга кўра, Роналду Неймар ва Месси каби йилига 30-40 миллион евро маош талаб қилаётган бўса, клуб унга 25 миллион евро таклиф қилмоқда.

«Марко Асенсио Криштиану ҳақида тўғри фикр билдирди. Роналду — барча учун ўрнак. Буни футболчилар яқиндан ҳис қилишади. Унинг энергияси бошқа йигитларга ўтади.

Асенсио шартномани узайтирганидан хурсандман. У бунга муносиб. Янги шартнома тузган футболчилар учун хурсандман. Умид қиламан, қолган футболчилар ҳам жамоада қолишади.

Роналду яхшги ўйнамоқда. У ўзи яхши кўрган ишни кўпроқ бажармоқда — ўйнамоқда ва голлар урмоқда. Унинг шартномаси билан боғлиқ вазиятга аралашмоқчи эмасман. Бу клуб ва футболчи ўртасидаги иш. Ишончим комил, ҳаммаси яхши бўлади. У ва клуб ўртасида муаммо юзага келмайди. Унинг учун энг муҳими — майдонга тушиш ва ўйнаш», – деди Зидан.