«Лас-Пальмас» клуби Испания чемпионатининг 7-тури доирасида «Барселона»га қарши сафарда бўладиган ўйинга махсус форма тайёрлатди.
Меҳмонлар футболкасида Испания давлат байроғи туширилган бўлади. Бу орқали клуб Испания яхлитлигини қўллаб-қувватлашини билдирди. Ла Лига мазкур акцияга розилик билдирди.
Эслатиб ўтамиз, бугун Каталонияда Испаниядан ажралиб чиқиш бўйича референдум ўтказилмоқда. Мазкур референдумни «Барселона»нинг собиқ ва ҳозирги футболчилари – Жерар Пике, Хосеп Гвардиола, Карлес Пуйоль, Хави ва бошқалар қўллаб-қувватлашди.
