"Ливерпуль" бош мураббийи Юрген Клопп Англия чемпионатида "Ньюкасл" (1:1) билан ўйналган дуранг ҳақида гапириб ўтди.
"Мен жуда афсусдаман. "Ньюкасл"дек жамоа билан ўйнаш жуда қийин. Биз чиройли гол урдик ва жуда яхши голли вазиятлар яратдик.
Аммо дарвоза бўш бўлганида ҳам адашдик. Жамоам беш ёки олтита яхши вазиятларни яратди. Улардан бирида гол урдик. Рақибларда эса бундан бошқа вазиятни кўрмадим.
Улар гол уриш учун имкониятга эга бўлишди ва бундан фойдаланишди. Бундай бўлиши керак эмасди. Бизнинг фойдамизга яққол пенальти белгиланмади. Поусон пенальти қўйиши учун, футболчимизнинг либоси йиртилиши керакми?", - дейди Клопп.
Учрашувни Крэйг Поусон бошқариб борди.
