Лондоннинг "Челси" жамоаси устози Антонио Конте ўзидан олдинги мураббийнинг нега Кевин Де Брюйнени бошқа клубга трансфер қилишганини тушунмаслигини айтиб ўтди.
Эслатиб ўтамиз, айни дамда Кевин "Манчестер Сити" аъзоси ҳисобланади. Жозе Моуриньо эса бельгиялик футболчини “Челси” жамоасида эканлигида таркибдан четда қолдирганди.
"Тўғрисини айтсам, ўтмишни кавлашни истамайман. Бироқ биз топ даражадаги футболчи ҳақида сухбатлашяпмиз. У яхши ўйинчи, техникали, тез, жамоаси учун жон куйдириб, кўп тер тўкади. Бироқ уни нима учун “Челси”дан кетганини билмайман", - дейди Конте.
Эслатиб ўтамиз, Кевин Де Брюйне "Челси"ни 2014 йилда тарк этганди. У "Вольфсбург" аъзосига айланган, кейинчалик яна АПЛга қайтган. Де Брюйне "Манчестер Сити"нинг "Челси" (1:0) билан ўйинида “шаҳарликлар”нинг ғалаба тўпини киритди.
