Каталониянинг "Барселона" клуби бош мураббийи Эрнесто Вальверде Примеро доирасида "Лас Пальмас"га қарши ўйинда бўм бўш бўлган "Камп Ноу"нинг трибуналари ҳақида гапирди.
"Ўйинга етиб келиш жуда қийин бўлди. Ҳолат жуда қизиқ ва қийин эди. Клуб баҳсни кўчириш ниятида эди. Хатто ўша куни ўйнашимизни ҳам билмай тургандик.
Жамоа унчалик яхши ўйнамади. Ўйин жуда сокин бошланди. "Лас-Пальмас"да яхши футболчилар жуда кўп, улар туфайли қаттиқ меҳнат қилишга мажбур бўлдик.
Иккинчи бўлимда эса яхши босим уюштирдик ва ташаббусни ўзимизда ушлаб турдик.
Иньеста? Унда жароҳат бор. Текширувлар натижасини кутамиз.
Бўм бўш стадионда ўйнаш раҳбариятнинг ташаббуси билан бўлди. "Камп Ноу"нинг бундай холати мени шокка солди. Бироқ бу ҳақдаги саволларни раҳбариятга бериш керак", - дейди Вальверде.
