"Facebook" ижтимоий тармоғининг спорт бўлими бошлиғи Дэн Риднинг хабарига кўра, тармоғ 2018 йилдан кейин уч мавсум давомида Англия Премьер-Лигаси ўйинларини трансляция ҳуқуқини сотиб олиш учун ҳаракат қилиб кўради.
"АПЛ – биз учун керакли ҳамкор, улар билан анча йиллардан бери биргаликда иш олиб боряпмиз. Албатта, тўғридан тўғри трансляция ҳуқуқини сотиб олиш учун ҳаракат қиляпмиз", - дейди Рид.
Маълумот учун, "Facebook" ўтган йили дунёнинг энг яхши ижтимоий тармоғи бўлганди. Умумий ҳисобда бу сайт йил давомида 20 миллиард доллар миқдорида фойда келтирди. Платформа аудиторияси – 2 миллиард фойдаланувчини ташкил этади. Улардан 650 миллиони спортнинг ашаддий мухлисларидир.