Аргентинанинг Noblex компанияси дадил реклама компанияси билан барчани ҳайрон қолдирди.
50 дюйм диагоналли ва 4K технологияли телевизорларни ишлаб чиқарувчи компания, агар Аргентина ЖЧ-2018 йўлланмасини қўлга киритолмаса, барча харидорларга телевизор учун тўланган пулларни қайтариб беришни ваъда қилди.
Аргентина терма жамоаси ЖЧ-2018 саралашида Перу (0:0) билан дуранг натижани қайд этгач, ЖЧга чиқиш имкониятларини пасайтириб юборди. Шундан сўнг, компания мижозларнинг буюртмалари остида қолиб кетган.
«Ўйиндан сўнг, 7 мингдан ортиқ инсон сайтимиз орқали телевизорга буюртма берди», – деди Noblex президенти Луис Галли.
Эслатиб ўтамиз, Аргентина терма жамоаси ЖЧ-2018 саралашида 6-ўринда бормоқда ва 11 октябрь куни сўнгги тур ўйинида, сафарда Эквадор билан беллашади.
