Европа чемпионлар лигасининг 3-тур баҳслари давом эттирилмоқда.

Бугунги куннинг илк ўйинида Озарбайжоннинг "Қорабоғ" жамоаси ўз майдонида Испаниянинг "Атлетико" жамоаси билан тўқнаш келди.

Учрашувнинг 75-дақиқасида мезбонлар футболчиси Дино Ндлову майдондан четлатилди. Баҳс давомида мадридликлар жуда катта устунликка эга бўлишди. Бироқ томонлар 90 дақиқа вақт мобайнида дарвозаларга йўл топа олишмади.

Мазкур дурангдан кейин Диего Симеоне шогирдлари турнирдаги иккинчи очкосини ишлаб олди.

ЕЧЛ
3-тур

"Қорабоғ" – "Атлетико" 0:0
«Baku Olympic Stadium»
Қорабоғ – Шехич, Медведев (Жезничак, 71), Аголи, Садыгов, Гусейнов, Ришард, Гараев, Педро Энрике (Герье, 69), Мичел (Эльюнусси, 85), Мадатов, Ндлову.
Атлетико – Облак, Врсалько, Годин, Филипе Луис, Хименес, Гайтан (Парти, 64), Габи, Сауль, Феррейра Карраско (Корреа, 72), Гризманн, Гамейро (Торрес, 72).
Огоҳлантириш: Мичел (53), Ндлову (59), Гусейнов (90).
Четлатиш: Ндлову (75).