«Челси» бош мураббийи Антонио Конте истеъфога чиқиш эҳтимолидан қўрқмаслигини маълум қилди.

«Жиддий босим остида турибман, лекин истеъфога чиқарилишим мумкинлигидан мутлақо хавотир олмайман. Мен ўз жамоамга бор кучимни бераман ва қилаётган меҳнатимга ишонаман. Ўтган мавсумда бўлгани каби ишлашда давом этаман. Истеъфо борасида ҳеч қачон хавотирга тушмаганман.

Жамоадаги ҳар бир инсоннинг вазифаси — мухлисларга қувонч улашиш. Айнан мана шу босимни ҳис қиляпман. Мухлислар бизни қанчалик эҳтирос билан қўллаб-қувватлаётганини кўриб турибмиз, қолгани муҳим эмас. Биз ўз ишимизни қиляпмиз. Бугун уйга хурсанд ҳолда қайтаман, боиси, мен ва футболчилар клуб учун кучимизни 150% сарфлаяпмиз», — деди Конте.

Кеча бўлиб ўтган АПЛнинг 9-тур баҳсида лондонликлар «Уотфорд» устидан ғалаба қозонишди (4:2). Бунгача «Челси» кетма-кет 3та ўйинда ғалаба қозона олмаганди.