«Chelsi» bosh murabbiyi Antonio Konte iste’foga chiqish ehtimolidan qo‘rqmasligini ma’lum qildi.

«Jiddiy bosim ostida turibman, lekin iste’foga chiqarilishim mumkinligidan mutlaqo xavotir olmayman. Men o‘z jamoamga bor kuchimni beraman va qilayotgan mehnatimga ishonaman. O‘tgan mavsumda bo‘lgani kabi ishlashda davom etaman. Iste’fo borasida hech qachon xavotirga tushmaganman.

Jamoadagi har bir insonning vazifasi — muxlislarga quvonch ulashish. Aynan mana shu bosimni his qilyapman. Muxlislar bizni qanchalik ehtiros bilan qo‘llab-quvvatlayotganini ko‘rib turibmiz, qolgani muhim emas. Biz o‘z ishimizni qilyapmiz. Bugun uyga xursand holda qaytaman, boisi, men va futbolchilar klub uchun kuchimizni 150% sarflayapmiz», — dedi Konte.

Kecha bo‘lib o‘tgan APLning 9-tur bahsida londonliklar «Uotford» ustidan g‘alaba qozonishdi (4:2). Bungacha «Chelsi» ketma-ket 3ta o‘yinda g‘alaba qozona olmagandi.