“Ювентус” посбони Жанлуижи Буффон келгуси ёзда фаолиятини якунламаслиги мумкин. Бунинг учун эса “Ювентус” Чемпионлар Лигасида ғалаба қозониши лозим. Агар “Ювентус” ЕЧЛ ғолиби бўлса, Буффон клублар ўртасидаги жаҳон чемпионатида ҳам иштирок этмоқчи.

“Бу менинг охирги мавсумим, — деди посбон, — эҳтимол, яна бир-икки йил ўйнашим мумкин. Мен, аслида, шу мавсум якунлангач фаолиятимни тугатишимни маълум қилгандим, аммо энди қароримни ўзгартиришим мумкин. Бунинг учун “Ювентус” ЕЧЛда ғолиб бўлиши керак. Чунки шунда жамоам Клублар ўртасидаги жаҳон чемпионатида иштирок этади, мен эса бундай имкониятни қўлдан бой беришни истамайман”, деди Буффон.