«Манчестер Сити» бош мураббийи Хосеп Гвардиола Англия лига кубоги баҳслари учун танланган тўпга нисбатан норозилик билдирди.

«Юқори савиядаги мусобақаларда бундай тўпдан фойдаланиш керак эмас. Бунга йўл қўйиб бўлмайди.

Бу тўплар ҳаддан ташқари енгил, у билан бирор нарса қилиб бўлмайди. Бундай тўпда гол уриб бўлмайди. Бу орқали мен ўзимизни оқламоқчи эмасман, ахир биз ғалаба қозондик.

Барча футболчилар менга: «Бу нима?», дейишди. Кечирасиз, бундай савиядаги мусобақа учун бу жиддий бўлмаган иш», – деди Гвардиола.

Эслатиб ўтамиз, Англия лига кубогининг 1/8 финал босқичида «Манчестер Сити» пенальтилар сериясида «Вулверхэмптон»ни мағлуб этди – 3:1.