“Машъал” жамоасининг устози Александр Хомяков ҳам бўлиб ўтган ўйин ҳақидаги фикрлари билан ўртоқлашди.

"Бугун ажойиб ўйин гувоҳи бўлдик. Ҳисоб бунданда йирик бўлиши ҳам мумкин эди. Рақибимиз бизга нисбатан бугун яхшироқ ўйин кўрсатди. Режалаштирган ўйинимиз кутилган натижани бермади. Албатта “Насаф”ни бугунги ғалаба билан табриклайман. Бугун улар ҳақли равишда ғалабага эришдилар.

Шахзод Шайманов голи тўғрисида? Жамоамизда кўплаб қаршилик футболчилар фаолият юритишади. Иккала жамаоа ўйинчилари ҳам бир-бирларини яхши билишади. Улар бундай ўйинларда ўзларини кўрсатишга ҳаракат қилишади. “Насаф” нафақат вилоятимизнинг, балки мамлакатнинг етакчи клубларидан бири саналади. Бу ҳам ўзаро ўйинларимизнинг шундай ўтишига туртки беради. Афсуски, Ҳумоюннинг урган голи бугун бизга камлик қилди. Хуллас, керакли натижага эришиш учун омадимиз чопмади", - деди Хомяков.