Германия терма жамоаси бош мураббийи Йоахим Лёвнинг фикрича 2018 йилги жаҳон чемпионати немислар учун жуда оғир бўлади.
«2014 йили биз ҳозиргидек барчанинг диққат-марказида эмасдик. Биз ўйиндан-ўйинга кучайиб боргандик. Энди – амалдаги жаҳон чемпиони, Конфедерациялар кубоги соҳиби ва жаҳондаги биринчи рақамли терма жамоамиз.
Ҳар бир терма жамоа бизга қарши алоҳида шашт билан майдонга тушади. Бу жуда қийин мусобақадир. Бундай шароитда бизга ниҳоятда кучли бўлган терма жамоа керак ва ундаги ҳар бир футболчи юқори формада бўлиши зарур.
ЖЧ-2018 учун сўнгги заявкани эълон қилишдан олдин, қатъий қарорлар чиқаришимизга тўғри келади», — дейди Лёв.
