Germaniya terma jamoasi bosh murabbiyi Yoaxim Lyovning fikricha 2018 yilgi jahon chempionati nemislar uchun juda og‘ir bo‘ladi.
«2014 yili biz hozirgidek barchaning diqqat-markazida emasdik. Biz o‘yindan-o‘yinga kuchayib borgandik. Endi – amaldagi jahon chempioni, Konfederasiyalar kubogi sohibi va jahondagi birinchi raqamli terma jamoamiz.
Har bir terma jamoa bizga qarshi alohida shasht bilan maydonga tushadi. Bu juda qiyin musobaqadir. Bunday sharoitda bizga nihoyatda kuchli bo‘lgan terma jamoa kerak va undagi har bir futbolchi yuqori formada bo‘lishi zarur.
JCH-2018 uchun so‘nggi zayavkani e’lon qilishdan oldin, qat’iy qarorlar chiqarishimizga to‘g‘ri keladi», — deydi Lyov.
