«Реал»га қарши баҳсда дубль муаллифига айланган «Тоттенхэм» клуби яримҳимоячиси Деле Алли ўйин ҳақидаги фикрлари билан ўртоқлашди.
«Шунчаки, ажойиб ўйин кўрсатдик. Вазиятлар бўлишини олдиндан билардик. Шунинг учун ўйинни асосан мудофаадан олиб боришни режалаштиргандик. Албатта, натижадан барчамиз мамнунмиз.
Пешқадам эканлигимиз бежизга эмас. «Бернабеу»да ҳам қайсидир томонлама рақибдан устун эдик.
«Реал» каби жамоалар билан нафақат тенгма-тенг рақобат қилиш, балки улардан устун келишни хоҳлаймиз.
Гол урганимдан хурсандман, аммо ғалаба янада қувонтирди» – дейди Алли.
