«Real»ga qarshi bahsda dubl muallifiga aylangan «Tottenxem» klubi yarimhimoyachisi Dele Alli o‘yin haqidagi fikrlari bilan o‘rtoqlashdi.
«Shunchaki, ajoyib o‘yin ko‘rsatdik. Vaziyatlar bo‘lishini oldindan bilardik. Shuning uchun o‘yinni asosan mudofaadan olib borishni rejalashtirgandik. Albatta, natijadan barchamiz mamnunmiz.
Peshqadam ekanligimiz bejizga emas. «Bernabeu»da ham qaysidir tomonlama raqibdan ustun edik.
«Real» kabi jamoalar bilan nafaqat tengma-teng raqobat qilish, balki ulardan ustun kelishni xohlaymiz.
Gol urganimdan xursandman, ammo g‘alaba yanada quvontirdi» – deydi Alli.
