“Реал”нинг собиқ ҳужумчиси, айни пайтда “Лион”да тўп сураётган Мариано Диас, аслида, “Реал”да қолмоқчи бўлган, аммо Зидан уни кетишга мажбур қилган экан.

“Мен Зидандан нима қилишим кераклигини сўрадим. У эса имкон қадар тезроқ кетишим лозимлигини айтди. Агар у қолишинг мумкин, деганида мен унга қулоқ солардим ва “Реал”да қолардим. Тўғри, Мадридда мен жуда кам ўйин амалиётига эга бўлдим, аммо бундан хафа эмасман, чунки жамоа билан иккита совринни қўлга киритдим. Ўз навбатида “Лион”га ўтишимни Зидан маслаҳат берганди”, деди Диас.