Мадриднинг “Реал” клуби ҳимоячиси Даниэль Карвахаль Испания Ла-Лигасининг 12-туридан ўрин олган “Мадрид дербиси”да иштирок этиши мумкин.
Эслатиб ўтамиз, футболчи бундан бир ярим ой аввал юрагидаги муаммолар туфайли майдонга туша олмаётган эди. Ҳозирда Карвахаль тикланишнинг сўнггги босқичида.
“У машғулотлардаги оғирликларни аста – секин кўпайтириб бориши керак. Спортчининг тикланиши учун 4 ёки 6 ҳафта вақт етарди. Лекин Карвахалнинг тикланишини яна бироз кутишга тўғри келди. Чунки муҳими футболчи соғ-саломат майдонга қайтиши керак эди”, — дейди уни даволаган шифокор Сесар Кесада.
Маълумот учун, “Реал” ва “Атлетико” ўртасидаги учрашув 18 ноябрь куни “Ванда Метрополитано” стадионида бўлиб ўтади.
