Madridning “Real” klubi himoyachisi Daniel Karvaxal Ispaniya La-Ligasining 12-turidan o‘rin olgan “Madrid derbisi”da ishtirok etishi mumkin.
Eslatib o‘tamiz, futbolchi bundan bir yarim oy avval yuragidagi muammolar tufayli maydonga tusha olmayotgan edi. Hozirda Karvaxal tiklanishning so‘ngggi bosqichida.
“U mashg‘ulotlardagi og‘irliklarni asta – sekin ko‘paytirib borishi kerak. Sportchining tiklanishi uchun 4 yoki 6 hafta vaqt yetardi. Lekin Karvaxalning tiklanishini yana biroz kutishga to‘g‘ri keldi. Chunki muhimi futbolchi sog‘-salomat maydonga qaytishi kerak edi”, — deydi uni davolagan shifokor Sesar Kesada.
Ma’lumot uchun, “Real” va “Atletiko” o‘rtasidagi uchrashuv 18 noyabr kuni “Vanda Metropolitano” stadionida bo‘lib o‘tadi.
