Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив

Шота Арвеладзе: «Мезбонларда иштиёқ кучли бўлди, биз руҳий жиҳатдан ютқаздик»

Баҳо:
+ | -

Олий лиганинг 29-тури доирасида бўлиб ўтган "Насаф" ва "Пахтакор" жамоалари ўртасидаги ўйиндан кейинги матбуот анжуманининг дастлабки қисмида меҳмонлар бош мураббийи Шота Арвеладзе иштирок этди.

"Ўйинни қандайдир руҳсиз бошладик. Мезбонларда иштиёқ кучлироқ бўлди, шекилли. Биз голларни ўз хатоларимиз туфайли ўтказиб юбордик. Рақиб ҳужум ташкил этмаган ҳолатлар эди. Албатта, "Насаф" ҳам яхши ўйнади. Уларни ғалаба билан табриклайман.

Энг катта муаммо руҳият билан боғлиқ бўлди. Кутилмаган хатоларга ўзимиз йўл қўйдик. Ўйинни шиддатли бошлай олмадик.

Олий лигада ўсиш учун катта имконият бор. Лекин шароитларни яхшилаш устида клублар ишлашмаган. Стадион, майдон, ташкилий ишлар борасида камчиликлар бор. Буларни тузатиш устида ПФЛ билан биргаликда ишлаш лозим. Халқ футболни яхши кўради.

Менга "Насаф"нинг барқарор ўйнаши ёқди. "Локомотив" ва "Бунёдкор"ни ҳам яхши жамоалар деб айтган бўлардим.

Мағлубиятда бир кишини айбламайман. Лобанов хато қилди, у буни яхши билади. У иккинчи даврада жуда яхши ўйнади. Саша профессионал ва қайси жиҳатлар устида ишлашни яхши билади.

Иккинчи даврада камида учликка кириш вазифасини олдимизга қўйгандик. Иккинчи ўринга кўтарилиш эса насиб этмади. ОЧЛга чиқиш масаласини Ўзбекистон Кубоги финалидан кейин билиб оламиз" — деди Арвеладзе.

Манба: stadion.uz
Киритилди: 16:21, 19.11.2017.
Ўқилди: 7294 марта.
Фикрлар: 33 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.