Италиянинг “Беневенто” клуби “А” Сериянинг 13-тури доирасида “Сассуоло”га ўз майдонида мағлубиятга учради. 1:2.

Янги мавсумдан “А” Серияда ўйнаш ҳуқуқини қўлга киритган “Беневенто” Европанинг  энг кучли 5та лигасидаги клублар орасида ўзига ҳос антирекорд қайд этди.

Гап шундаки, “Беневенто” клуби Италия чемпионатида иштирок этган 13 учрашувнинг барчасида мағлубиятга учради.

Маълумот учун, 1930/31 йил мавсумида “Манчестер Юнайтед” Англия чемпионатининг кетма-кет 12 ўйинида рақибларга имкониятни бой берган.