"Реал" етакчиси Криштиану Роналду Испания чемпионатининг ушбу мавсумида жуда ёмон статистикаси билан ҳайрон қолдиришда давом этмоқда.
Ла лиганинг 8та ўйинида (720 дақиқа) майдонга тушган португалиялик футболчи, бирор марта ҳам йўқотилган тўпни эгаллай олмади, рақиблардан тўпни олиб қўя олмади. Бу ҳақда Whoscored портали хабар тарқатди. Таққослаш учун, Лионель Месси 12та ўйиндан кейин битта баҳсда ўртача 0,3 марта рақиблардан тўпни олиб қўяётган бўлса, 0,2 марта йўқотилган тўпларга эга чиқмоқда.
32 ёшли Роналду ўзи иштирок этган 8та ўйинда рақиблар дарвозаси томон 55та зарба бериб, битта гол урди. Криштиану ушбу мавсумда "Реал" сафидаги энг ёмон стартини намойиш қилмоқда.