«Реал» клуби ҳужумчиси Гарет Бэйл жароҳатидан тузалиб умумий гуруҳ машғулотларига қўшилди.
24 ноябрь куни мадридликлар ўйин олди машғулотлари ўтказишди ва футболчи ҳамма қатори ишлаган.
Сал аввал умумий гуруҳ машғулотларига дарвозабон Кейлор Навас ҳам келиб қўшилгани айтилган эди. Марко Асенсио эса ҳали ҳам ўйиндан ташқари ҳолатда.
«Реал» - «Малага» учрашуви 25 ноябрь куни «Сантьяго Бернабеу» стадионида бўлиб ўтади. Тошкент вақти билан 20:15да старт олади.
Гарет Бэйл Ла Лига баҳсларида сўнгги маротаба 20-сентябрь куни 5-турнинг «Бетис» клубига қарши майдонга тушган эди.