Мадриднинг «Реал» клуби ва Колумбия терма жамоаси ярим ҳимоячиси Хамес Родригес ижара асосида Мюнхеннинг «Бавария» клубида тўп сурмоқда ва “Қироллик клубига” қайтишни истамаяпти.
Бу ҳақида, Родригеснинг дўсти бўлмиш колумбиялик қўшиқчи Пипе Пелаес хабар берди.
“Охирги марта Хамесга «Реал» клуби ҳақида савол берганимда, у Мадридга қайтиб боришни истамаётганини айтган эди. Ва мен бу ҳақида бошқа сўрамадим.
Мен унинг келажакдаги мақсадлари билан қизиқдим. Хамес менга келгусида нима қилишини аниқ билмаслигини, лекин «Реал» клубига қайтмаслигини айтди”,- дейди Пелаеса.
Родригеснинг «Реал» клуби билан амалдаги шартномаси 2021 йилнинг ёзигача тузилган.
«Бавария» клуби билан ижара шартномаси эса 2019 йил июнь ойида ўз якунига етади.
