«Рома» клуби ярим ҳимоячиси Ража Наинголан римликлар жамоасини тарк этишни истаги йўқлиги ҳақида гапириб ўтди.
“Бу мавзуда аввал ҳам гапирганман, аммо бу ерда узоқ муддат қолишни ўтган йили қарор қилганман ва бу йили ҳам шу фикрдаман. Ушбу клуб шарафини ҳимоя қилишдан хурсандман. Мен ўзимни бахтли ҳис қилишим учун, бу ерда мен учун ҳамма нарса мавжуд.
Жамоа сардори бўлиш мен учун шарафлидир, чунки мендан олдин сардорлик боғичи Тотти, Де Росси ва Флоренциларга тегишли бўлган. Сардорлик боғичи бор йўқлигидан қатъий назар, жамоага ёрдам беришга ҳаракат қиламан.
Менинг ўз клубимни ўзгартириш учун ҳеч қандай сабаб йўқ”, - дейди 29 ёшли ярим ҳимоячи.
