"Челси" клуби бош мураббийи Антонио Конте Чемпионлар Лигасида "Қорабоғ" (22 ноябрь, 4:0) клубига қарши сафар ўйинидан кейин Ливерпуль (25 ноябрь) шаҳрига боришга мажбурлиги борасида гапириб ўтди.
“Биз жиддий рақибга қарши атиги бир кунгина тайёргарлик кўрдик, бу яхши эмас деб ўйлайман, чунки бу нафақат футболчилар балки барча жамоа аъзоларига салбий таъсир кўрсатади.
Аммо шу билан бирга баҳона излашнинг ҳам кераги йўқ ва шунчаки майдонга чиқиб кучли рақибга қарши яхши ўйинимизни кўрсатишимиз лозим. Ғалаба қозониш учун келганмиз”, - дейди Конте.
