«Барселона»  клуби ҳужумчиси Лионель Месси ўзининг парҳези ҳақида гапирар экан, унинг учун энг қийини шоколаддан воз кечиш бўлганини тан олди.

“Шоколад – у ҳаттоки, ҳозир ҳам мен учун муаммо бўлиб турибди. Баъзида парҳезни бузиб шоколад еб қўяман”, - дейди Месси.

Куни кеча Месси тўртинчи маротаба «Олтин бутса»га эга чиқди ва бу кўрсаткич бўйича Криштиану Роналдуга тенглашиб олди.

 Лионель Месси Ла Лига баҳсларида 34 учрашувда майдонга тушиб 37 та гол урган. Бундан олдин аргентиналик футболчи Европа чемпионатларининг энг яхши тўпурарига топшириладиган совринни 2010, 2012, ва 2013 йиллари қўлга киритган эди.