Дортмунднинг «Боруссия» клуби ҳужумчиси Пьер-Эмерик Обамейянг қишги трансфер мавсумида жамоани тарк этиши мумкин.
Mirror нашрининг хабар қилишича, габонлик футболчи «Челси» клубининг қизиқишлари доирасида турибди.
Лондонликлар клубининг бош мураббийи Антонио Конте ҳужум чизиғига хилма-хиллик қўшмоқчи ва Обамеянгга жамоани кучайтира оладиган футболчилардан бири сифатида қарамоқда.
Аввалроқ, «Боруссия» 28 ёшли ҳужумчини 60 млн еврога сотиб юборишга тайёрлиги айтилганди. Бунинг устига Обамейянг сўнгги пайтларда клуб раҳбарияти билан келиша олмаяпти.
Футболчи Бундеслиганинг ушбу мавсумида 12 та ўйин ўтказиб, 11 гол ва 2 та голли узатмага муаллифлик қилган.
