"Барселона" бош мураббийи Эрнесто Вальверде Испания кубоги доирасида «Мурсия»га қарши ўйин учун кенгайтирилган рўйхатни эълон қилди.

Каталонияликлар дастлабки ўйинда 3:0 ҳисобида ғалаба қозонишгани боис, мураббий жамоанинг бир нечта етакчи футболчиларига дам беришга қарор қилди. Марк-Андре тер Штеген, Иван Ракитич, Серхио Бускетс, Андрес Иньеста, Луис Суарес, Лионель Месси, Жорди Альба ва Самуэль Умтити жавоб ўйинида иштирок этишмайди. Уларнинг ўрнига «Барселона Б»дан 5 нафар футболчи таклиф этилди.

"Барселона" мухлислари учун хушхабар: Серхи Роберто жароҳатидан тўлиқ фориғ бўлди. У ЕЧЛ доирасида «Спортинг»га қарши ўйинда тиззасидан жароҳат олганди.

"Мурсия"га қарши ўйин учун футболчилар рўйхати:

Яспер Силлессен, Нелсон Семеду, Жерар Пике, Денис Суарес, Паулиньо Безерра, Жерар Деулофеу, Пако Алькасер, Люка Динь, Серхи Роберто, Алейш Видаль, Томас Вермален, Адриан Ортола (№31), Карлес Аленья (№26), Ориоль Бускетс (№30), Хосе Арнаис (№37) и Давид Костас (№39).