АПЛнинг 15-турида Лондоннинг “Челси” клуби ўз майдонида “Ньюкасл”дан 3:1 ҳисобида устун келди.
Лондонликлар ярим ҳимоячиси Эден Азар учрашувда дубль муаллифига айланди. Альваро Мората ҳам ўз номини таблога ёзиб қўйди.
Гап шундаки, “Челси” бугунги ғалабадан сўнг АПЛдаги мағлубиятсиз сериясини 7 тага етказиб берди.
Антонио Конте жамоаси мусобақа жадвалида 32 очко жамғаришиб, иккинчи ўринда бораётган “Манчестер Юнайтед” жамоасини вақтинчалик ортда қолдиришди.
Лондонликлар охирги марта 14 октябрь куни сафарда “Кристал Пэлас”га имкониятни бой беришганди.
Эслатиб ўтамиз, “қизил иблислар” бугун сафарда “Арсенал”га қарши майдонга тушишади.
