Пауло Дибала ва Луис Суарес Европа Чемпоинлар лигасининг жорий мавсумдаги энг ёмон ҳужумчиларидан бири бўлишди. Бу ҳақда уларнинг статистикалари тасдиқламоқда.
Асосан бу йўналишда уларнинг дарвоза томон берган зарбалари ва голлари ҳисобга олинди.
“Ювентус” ҳужумчиси Пауло Дибала ЕЧЛ баҳсларида жами 25 марта дарвоза томон зарба йўллаган.
“Барселона” форварди Луис Суарес эса 19 марта зарба йўллаган. Аммо ҳар икки футболчи ЕЧЛнинг 5-туридан сўнг ҳали бирор марта гол ура олишмади.
Эътиборли томони шундаки, ҳар икки ҳужумчининг жамоаси ЕЧЛда бир гуруҳда жойлашган.
“Барселона” плей-офф босқичиг чиқиб бўлди, лекин “Ювентус” ҳали ҳамон гуруҳдан чиқиш вазифасини уддаламаган.
Маълумот учун, “Ювентус” эртага, 5 декабрь куни сафарда“Олимпиакос” билан баҳс олиб боради.
