"Боруссия" клуби ҳужумчиси Пьер-Эмерик Обамейянг қишки трансферлар чоғида дортмундликлар сафини тарк этмоқчи.
Bild нашри хабарига кўра, габонлик футболчи билан баъзи жамоадошлари ўртасида келишмовчилик туғилган. Обамеянг Германия чемпионатининг 12-турида "Штутгарт" билан ўйинда (1:2) қатнашишдан четлаштирилган. Бунга унинг машғулотга кечикиб келгани сабаб бўлган. Бундан ташқари, "Шальке-04" билан учрашувнинг 72-дақиқасида ҳисоб 4:2 бўлиб турганида габонлик футболчи майдондан четлатилган. Ўйин 4:4 ҳисоби билан тугаган. Шундан сўнг унга бўлган норозилик кучайган.
Обамеянгнинг шартномаси 2021 йилнинг ёзигача тузилган.
