Қатар юлдузлар лигасининг 11-тур учрашувлари давом этмоқда. Олдинроқ хабар бериб ўтганимиздек, турни очиб берган ўйинда Темурхўжа Абдухолиқов жамоаси «Ал-Сайлия» чемпионат пешқадами – «Дуҳайл» билан дуранг қайд этди.

Яна бир футболчимиз Санжар Турсуновнинг жамоаси «Ҳарайтият» ўз майдонида «Ал-Садд»ни қабул қилиб, 0:4 ҳисобида имкониятни бой берди. Санжар бу ўйинда тўлиқ ҳаракат қилди. 

Шундай қилиб, Турсунов жамоаси 11-турдан сўнг 9 очко билан 12 жамоа орасида 9-ўринда бормоқда. «Ал-Садд» ҳисобида эса 27 очко мавжуд ва улар иккинчи ўринда боришмоқда.

ҚАТАР ЮЛДУЗЛАР ЛИГАСИ. 11-ТУР

«ҲАРАЙТИЯТ» – «АЛ-САДД» - 0:4 (0:1)

Голлар: Педро Корреа (40), Ҳасан Холид (52-пенальти, 81), Жугурта Ҳамрун (77).

Ҳарайтият: Аҳмад Суфён, Муҳаммад Абдуллоҳ, Сауд Носир, Аҳмад Абдулҳай (Абдулраҳмон Месба, 28), Ануар Диба, Рачид Тиберканин, Муҳаммад Абдулрааб, Санжар Турсунов, Муҳаммад Салам (Муҳаммад Ризо, 61), Мажид Амон, Али Алуб (Абдулазиз ал Ансори, 75).