Испаниялик журналист Эду Агирре “Реал” футболчиси Криштиану Роналдунинг клуб раҳбарияти билан муомаласи ҳақида гапирди.

“Реал” ва Криштиану Роналду ўртасидаги ҳолат олдингидан ёмон.

Мадрид унга янги шартнома таклиф қилмаяпти, Криштиану эса уларнинг таклифини эшитгиси келмаяпти. Бу “Олтин тўп” топширилишига қадар ҳам бўлган. Криштиану Флорентино Переснинг Неймар ҳақидаги гапларидан жаҳли чиққан. Буни у ўзига бўлган хурматсизлик деб қабул қилган.

Криштианунинг юристлари “Реал”дан унинг трансфер нархини туширишни сўрамоқда. Футболчининг товон пули миллиард еврога тенг. Табиийки, ҳеч қандай клуб бунча пулни тўлай олмайди.

Роналдунинг мақсади – нархни июлгача тушириш ва клубдан кетиш”, - деб ёзади журналист.