Аввал хабар бериб ўтганимиздек, “Реал” клублар ўртасидаги жаҳон чемпионати финалида  “Гремио”ни 1:0 ҳисобида мағлубиятга учратиб, мусобақанинг кетма-кет иккинчи марта ғолибига айланди.

Ушбу ғалаба “Реал” бош мураббийи Зинедин Зидан учун Мадрид жамоасидаги 8-соврини ҳисобланади.

Франциялик мутахассис мазкур кўрсаткич бўйича, аввалроқ “Реал”да ишлаган мураббий Луис Моловнига етиб олди.

Зидан ва Моловнидан ташқари “Реал” мураббийи лавозимида 1960-1974 йиллар давомида ишлаган Мигель Муньез пешқадам бўлиб турибди.

Шунингдек, Зидан 23 ой давомида Европанинг энг кучли топ-5 чемпионатлари орасидаги ҳамкабсблари қаторида 8 та соврин ютган илк мураббийга айланди.