«Тоттенхэм» клуби бош мураббийи Маурисио Почеттино ярим ҳимоячи Виктор Ваньяманинг тезроқ жароҳатини тузатиб, сафга қайтишини кутаётганлигини маълум қилди.
«У ккшанба кунги «Бернли»га қарши баҳсга тайёр эмас. Унинг тиззаси қанчалик босимга тайёр эканлигини билишимиз керак. Аммо энг муҳими у ўзини яхши ҳис қилишида. Ваньяманинг қачон сафга қайтишини тез орада билиб оламиз.
Ўтган мавсум у бизнинг энг асосий футболчиларимиздан бири бўлганди. Бу нарса ҳали ҳам ўзгармаган.
Ваньяма каби футболчилар бизга жуда муҳим. Агар у соғлигида муаммо сезмаса, майдонда бўлади» - дейди Почеттино.
