Футзал бўйича Ўзбекистон терма жамоаси Тошкентда ўқув-машғулот йиғинини ўтказмоқда. Терма жамоа бош мураббийи Баҳодир Аҳмедов йиғинга жами 18 нафар футзалчини жалб қилган.
Футзалчилар "Ўзбекистон" спорт мажмуаси ҳамда "Бунёдкор" академияси қошидаги залларда кунига икки маҳал машғулот олиб боришмоқда.Машғулотлар 28 декабрь кунига қадар давом этади.
Январь ойида бош мураббий томонидан Тошкентда ва хорижда яна ўқув-машғулот йиғинлари ва ўртоқлик ўйинлари ўтказиш режалаштирилган.
Эслатиб ўтамиз, футзал бўйича Ўзбекистон терма жамоаси келаси йилнинг февраль ойида Хитой Тайпейида бўлиб ўтадиган Осиё чемпионатида иштирок этади. Вакилларимиз “B” гуруҳидан жой олган бўлиб, гуруҳдан чиқиш учун Япония, Тожикистон ҳамда Жанубий Корея терма жамоалари билан кураш олиб боришади.
