Каталониянинг “Барселона” жамоаси ҳимоячиси Самуэль Умтити фаолиятини бошқа клубда давом эттириши мумкин, деб хабар беради Daily Mail.
2016 йилнинг июлида “Барселона” билан 5 йиллик шартнома имзолаган футболчининг товон пули 56,3 млн еврога тенг. Бу суммани Манчестер шаҳрининг икки рақобатчи жамоалари – “Манчестер Сити” ҳамда “Манчестер Юнайтед” каби клублар тўлашга тайёр туришибди.
Айни дамда Умтити оёғидан олган жароҳати сабабли тикланиш билан банд. Бу мавсумда ҳимоячи Примеронинг 12 учрашувида қатнашган.
