“Барселона” бош мураббийи Эрнесто Вальверде “Сельта”га қарши учрашув (1:1) дан сўнг фикрларини билдириб ўтди.

“Биз ортга натижадан хурсанд бўлиб қайтамиз. Лекин бугун ғалаба қозониш учун имкониятларимиз етарли эди. Рақиб ҳам бугун яхши қаршилик кўрсатди. Бизда гол уриш учун вазиятлар бўлганди.

Биз “Сельта”нинг қандай кучга эга эканлигидан хабардормиз. “Камп Ноу”да бошқача ўйин бўлади ва рақибга ҳурмат кўрсатган ҳолда айтаманки, икки жамоа ҳам кейинги босқичга чиқиш учун фаворит саналади.

Дембеле? Бу Усмоннинг сўнгги 4 ойдаги илк ўйини бўлди. Ёрдамчилар билан келишган ҳолда, унга оғир ишлар қилмаслиги учун ҳужум чизиғига қўйдик. “Барселона” Дембеледан кўп нарса кутади. Бугун Дембеле узоқ вақт танаффусдан сўнг яна майдонга қайтди ва бундан хурсандман”, – деди Вальверде.