Мадриднинг “Реал” клуби бош мураббийи Зинедин Зидан “Нумансия”га қарши ўйин (3:0) дан  сўнг ўз фикрларини билдириб ўтди.

“Натижадан хурсандман. Чунки “Нумансия” майдонида ўйнаш осон  бўлмади. Рақиб жамоа футболчиси майдондан четлатилгандан сўнг бизда бир нечта муаммолар юзага келди.

“Нумансия” ўнта футболчи билан ҳам яхши ўйнади. Аммо, ўйинни натижа ҳал қилади. Бейлни заҳирага олиниши режамизда бор эди. У бир соатни ҳеч қандай муаммоларсиз ўтказди. Менимча, Бейл ўйин амалиётини янада ошириб олади. Майораль жамоада асосий рольни ўйнайди. У бизга керак вақтда доимо майдонга тушади. Бизда ўйин амалиётига эга бўлмаётган жуда кўп футболчилар бор. Улар сабр билан меҳнат қилишда давом этишлари керак”, - дейди Зидан.