Европанинг бир-қатор манбалари хабарига кўра, Дортмунднинг «Боруссия» клуби вакиллари «Манчестер Юнайтед» ярим ҳимоячиси Генрих Михитаряннинг агенти билан учрашув ўтказишган.
Хабарларга кўра, немис клуби 28 ёшли футболчини жамоага қайтариш ҳаракатини бошлашган. Мхитарян 2013 – 2016 йиллар оралиғида «Боруссия» шарафини ҳимоя қилганди.
Қайд қилинишича, томонлар музокаранинг якуний қисмига етиб келишган. Бироқ, германияликлар арманистонлик футболчи учун йилига 12,5 миллион евро маош бера олишмайди. Агар хавбэк ортга қайтадиган бўлса унинг маоши камайиши мумкин.
Олдинроқ Генрих билан Италиянинг «Интер» клуби ҳам қизиқаётганди.
