Бугун, 8 январь куни Испания чемпионатининг 18-тур ўйинлари бўлиб ўтди.

Демак, 18-турдан сўнг ҳосил бўлган тўпурарлар пойгасини “Леванте”га қарши учрашувнинг 12-дақиқасида ҳисобни очган Лионель Месси 16 та гол билан бошқариб турибди.

Ундан кейинги ўринда “Сельта” ҳужумчиси Яго Аспас 11 та ва худди шунча гол урган Луис Суареслар боришмоқда.

Шунингдек, кучли бешликдан Заза 10 (“Валенсия”) ва Хитойга йўл олган Седрик Бакамбулар боришмоқда. Бакамбу энди Ла лига ўйинларида бошқа иштирок этмайди.

Эътиборлиси шундаки, Мадриднинг “Реал” клуби ҳужумчиси, “Олтин тўп” соврининг беш карра соҳиби Криштиану Роналду жорий мавсум гол уриш бўйича анча оқсамоқда.

Португалиялик ҳужумчининг Ла лигадаги голлари сони энди 4тани ташкил қилди.