Football Italia нашрининг хабар беришича, Вентура тарк этгандан сўнг бў қолган Италия терма жамоасига номзодлар номи маълум бўлди. Улар Роберто Манчини, Антонио Конте ва Карло Анчелотти ҳисобланишади.
Италия футбол федерацияси 2018 йилда муррабий маоши учун 5 миллион евро ажратганини таъкидлаб ўтган. Бироқ ИФФга ҳозирча президент сайланмаган.
Анчелотти “Бавария”дан истеъфога чиққанидан кейин фақат клубларда ишлашини айтиб ўтган. Конте эса Италияда 2014 йилдан 2016 йилга қадар фаолият олиб борган. Конте мавсум якунида “Челси”ни тарк этиши мумкинлиги ҳақида хабарлар ёзилмоқда. Манчинининг “Зенит” билан амалдаги шартномаси бор, аммо мутахассис Италия термасини бошқариш нияти борлигини айтиб ўтди.