Саудия Арабистонининг "Ал Ножум" клуби футболчиси жамоаси урган голни нишонлагани учун қамоқ азосини олиши мумкин, дея хабар беради Sport Illustrated нашрига таяниб Vesti.kz.
Воқеа мамлакат чемпионлар кубогини 1/16 финалида "Ал Ваҳда"га қарши учрашувда (2:0) бўлди. Футболчи захира ўриндиғида ўтирган. Унинг жамоаси гол урган вақтда футболчи дэб - рақс элеметини кўрсатган. Бунда инсон қўлларини ёйган ҳолатда бошини бир томонга буради ва бир қўли билан юзини ёпади.
Дэб 2014 йилда АҚШда ўйлаб топилган. "МЮ" яримҳимоячиси Поль Погба ва бир қатор футболчилар голларини шундай нишонлайдилар.
Аммо бу нарса Саудия Арабистони ҳудудида тақиқланган, ҳукумат буни гиёҳвандлик моддалари тарқатишнинг тимосли деб билади.
Бу воқеа телетрансляция кадрида кўриниб қолди ва телешарҳловчи футболчини нима кутаётганини англаб: "Йўқ" Йўқ!Йўқ" деб юборди.
