Испания кубогининг нимчорак финал босқичи якунига етди. "Барселона" клуби ўз майдонида "Сельта"га қарши жавоб учрашувини ўтказди. Виго шаҳрида бўлиб ўтган дастлабки ўйинда томонлар 1:1 ҳисобидаги дурангга имзо чекишганди. Бу сафар эса каталонияликлар рақибга ҳеч қандай имконият қолдиришмади.

Баҳснинг 13 ва 15-дақиқаларида Лионель Месси ўз ҳисобига 2та гол ёзиб, ўйин тақдирини амалда ҳал қилиб қўйди. Мезбонлар танаффусга қадар рақиб дарвозасини яна икки марта ишғол қилишди. Гол муаллифлари — Альба ва Луис Суарес. Иккинчи бўлим сўнгида Иван Ракитич ҳисобни 5:0 кўринишга келтириб қўйди.

Шу тариқа, "Барселона" Испания қироллик кубогининг чорак финалига йўл олди.

Испания кубоги, чорак финал, жавоб ўйини
Барселона – Сельта 5:0 (4:0, 1:0)
Голлар: 1:0 – 13 Месси, 2:0 – 15 Месси, 3:0 – 28 Альба, 4:0 – 31 Суарес, 5:0 – 87 Ракитич.
Барселона – Силлессен, Пике (Вермален, 46), Альба, Нелсон Семеду, Маскерано, Ракитич, Бускетс, Андре Гомеш, Иньеста (Хосе Арнаис, 63), Суарес, Месси (Дембеле, 59).
Сельта – Альварес, Гомес, Кастро, Мальо, Фонтас, Лоботка, Хосабед, Мор, Васс (Радоя, 46), Систо (Браис Мендес, 57), Аспас (Макси Гомес, 46).
Биринчи ўйин – 1:1