“Барселона” клуби ҳужумчиси Лионель Месси фаолиятини якунлаган Роналдиньога миннатдорчилик билдирди.

“Сендан кўп футбол сирларини ўрганганман. Буни жуда яхши биласан. Доим сендан миннатдорман. Чунки сен “Барселона”нинг асосий таркибига кирганимда менга кўп ёрдам бергансан. Сен билан кўплаб ёқимли кунларни ўтказганимдан бахтлиман. Ҳеч қачон ёдимдан чиқармайман.

Роналдиньо – сен майдонда ҳақиқий қирол эдинг, ҳаётда эса ажойиб инсон. Энг муҳими шу ҳислатларингни йўқотиб қўйма. Сен фаолиятингни якунлаган бўлсангда, футбол сенинг жилмайишларингни унутмайди. Сенга энг яхши тилакларимни тилаб қоламан, Роналдиньо”, – дея ёзади Месси фейсбукдаги расмий саҳифасида.