“Barselona” klubi hujumchisi Lionel Messi faoliyatini yakunlagan Ronaldinyoga minnatdorchilik bildirdi.

“Sendan ko‘p futbol sirlarini o‘rganganman. Buni juda yaxshi bilasan. Doim sendan minnatdorman. Chunki sen “Barselona”ning asosiy tarkibiga kirganimda menga ko‘p yordam bergansan. Sen bilan ko‘plab yoqimli kunlarni o‘tkazganimdan baxtliman. Hech qachon yodimdan chiqarmayman.

Ronaldinyo – sen maydonda haqiqiy qirol eding, hayotda esa ajoyib inson. Eng muhimi shu hislatlaringni yo‘qotib qo‘yma. Sen faoliyatingni yakunlagan bo‘lsangda, futbol sening jilmayishlaringni unutmaydi. Senga eng yaxshi tilaklarimni tilab qolaman, Ronaldinyo”, – deya yozadi Messi feysbukdagi rasmiy sahifasida.