«Барселона» ҳужумчиси Лионель Месси Испания кубогининг 1/4 финал «Эспаньол»га қарши дастлабки учрашувда (0:1) ҳаракат қилган шерикларининг ўйинидан қониқиш ҳосил қилмаган.

Express нашри берган хабарга кўра, аргентиналик футболчи ўйиндан кейин, мағлубиятда бош айбдор сифатида Алеиш Видални кўрсатган.

Аргентиналик фикрига кўра, футболчи 90 дақиқа давомида жамоаси учун фойдали иш қилмаган. Месси уни мағлубиятнинг бош айбдори деб ҳисоблаб, клуб хўжайинларидан уни бошқа майдонга туширмасликни талаб қилган.

Лионель таъкидига кўра, орқароқда ҳаракат қилган Серхи Роберто анча фаол ўйнаган ва жамоага кўпроқ фойда келтирган.

Эслатиб ўтамиз, Месси ушбу учрашувда пенальтини аниқ амалга ошира олмагани туфайли «Барселона» ҳисобда олдинга чиқа олмаганди.