"ПСЖ" ҳимоячиси Тома Менье "Дижон" билан учрашувда (8:0) жамоа мухлисларининг Неймарга ҳуштакбозлиги юзасидан фикрларини билдирди

Учрашувда 4 та гол урган ва 2 та голли узатма оширган Неймар пенальтини Эдинсон Каванига бермагани учун мухлислар унга ҳуштак бозлик қилдилар.

"Ҳуштакбозлик мухлислар томонидан хунук кўринди. Биз Неймарнинг оёғига ҳар гал тўп текканда ҳузур қиламиз.

Улар Эдинсонни нима учун ҳурмат қилишларини биламан. Аммо нима бўлганда ҳам ҳар томонлама ёндошиш керак. Шунинг учун ўйинчи бир ўйинда 4 та гол уриб, иккита ассист қилганда... Бутун жамоани қўллаш керак, алоҳида ўйинчини эмас.

Неймар ҳар ўйинда бизга очко келтиряпти. Қоғозда у пенальти бажарувчи қилиб кўрсатилган, бу унинг маъсулияти.

Агар пенальтини Эдинсонга берганида бу фэйр-плей бўларди. У тўпни қўлига олди ва гол урди. Эдинсон ҳеч нима демади, чунки у Неймар тепиши керак эканлигини билади", - дейди Менье.